Pashinyan: "Armanistonning Yevropa Ittifoqiga qo‘shilishi bo‘yicha umumxalq referendumini o‘tkazish kerak"

Armanistonning Yevropa Ittifoqiga kirishi masalasi umumxalq referendumi orqali hal qilinishi kerak.

Bu haqda mamlakat bosh vaziri Nikol Pashinyan Armanistonning Yevropa Ittifoqiga kirish jarayonini boshlash to‘g‘risidagi qonun loyihasi muhokama qilingan hukumat yig‘ilishida ma’lum qildi.

"Armanistonning Yevropa Ittifoqiga qo‘shilish niyati nihoyat umumxalq referendumi orqali tasdiqlanishi kerak”, dedi u.

Shu bilan birga, Bosh vazirning aniqlik kiritishicha, ushbu qonun loyihasi Yevropa Ittifoqiga zudlik bilan qo‘shilish taklifi sifatida qabul qilinmasligi kerak. Uning asosiy maqsadi Armanistonning Yevropa Ittifoqi bilan yaqinlashish bo‘yicha amaliy ishlarga tayyorligini ko‘rsatishdir.

Eslatib o‘tamiz, Armaniston hukumati ushbu qonun loyihasini ma’qullagan.

Loyiha g‘arbparast kuchlar guruhi tomonidan boshlangan va buning uchun 50 ming imzo to‘plangan.