Osiyo kubogi-2023 2-turi doirasidagi ikkinchi o‘yinda mezbon Qatar pley-off masalasini muddatdan avval hal qildi.
57 mingdan ortiq tomoshabin qarshisida o‘tgan Qatar – Tojikiston o‘yinida mezbonlar qo‘shnilarimiz ustidan minimal hisobda g‘alaba qozonishdi. 17-daqiqada Rustam Soirov raqib o‘yinchisi va hakam bilan to‘qnashgach, yaponiyalik referi o‘yinni to‘xtatmadi va hujum Afifning hisobni ochishi bilan yakunlandi – 1:0.
Hisobda ortda qolishiga qaramay o‘yinni nazorat qilishga uringan Tojikiston 81-daqiqada maydonda bir kishi kam bo‘lib qolgach, mag‘lubiyatdan qutulib qololmadi.
Shu tariqa, Qatar 6 ochko bilan guruhda 1-o‘rinni naqd qilib, muddatdan oldin 1/8 finalga yo‘llanma oldi. Tojikiston esa 1 ochko bilan 3-o‘ringa tushdi. Qatar so‘nggi turda Xitoyga qarshi o‘ynasa, Tojikiston Livan bilan o‘yin o‘tkazadi.
A guruhi. 2-tur
Tojikiston – Qatar – 0:1
Gol: 0:1 – 17 Afif.
