Orban: Bryussel Yevropaning gullab-yashnashi haqidagi orzuni yo‘qqa chiqardi

Bryussel Yevropaning gullab-yashnashi haqidagi orzuni yo‘qqa chiqardi va uni dahshatli tushga aylantirdi. Vengriya bosh vaziri Viktor Orban Budapeshtda bo‘lib o‘tgan konservativ siyosiy harakatlar konferensiyasida shunday bayonot berdi.

Uning so‘zlariga ko‘ra, Yevropa orzusi shundan iborat ediki, endi urushlar bo‘lmaydi, YEI esa farovonlik va xavfsizlikda yashay oladi.

"Lekin bu orzu o‘g‘irlangan. Uni Bryussel o‘g‘irladi, u bizning kelajagimizni barbod qildi. Yevropa orzusi o‘rniga biz dahshatli tush ko‘rdik," - deya uning so‘zlarini keltiradi RIA Novosti.

Orban migrasiyaning Bryussel tomonidan qo‘llab-quvvatlanishini tanqid qildi va uni "integrasiya emas, balki aholini ataylab almashtirish" deb atadi.