O‘zbekiston Bosh konsulligi ko‘magida og‘ir xasta bo‘lgan olti oylik bola Rossiyadan vataniga qaytarildi, deb xabar berdi «Podrobno.uz» muxbiri.
«Dunyo» nashri xabariga ko‘ra, shifokorlar shu yilning aprel oyida tug‘ilgan chaqaloqqa og‘ir tashxis qo‘yishgan. U Yekaterinburg perinatal markazida davolanayotgan edi.
Doimiy nafas olish etishmovchiligi tufayli bola 24 soat davomida kislorod qo‘shimcha ta’minoti bilan maxsus apparatda saqlangan.
Qayd etilishicha, maslahatlashuvlar natijasida va tibbiy komissiya xulosasiga ko‘ra, bolani mamlakatimiz perinatal markazlariga maxsus kislorod apparatida tibbiy ko‘magida yetkazish zarurligi qayd etilgan.
Go‘dakning ahvoli og‘irligi bois O‘zbekistonning Yekaterinburgdagi Bosh konsulligi ko‘magida bolaga chiqib ketish uchun biometrik pasport tezda rasmiylashtirildi.
Shundan so‘ng chaqaloq va uning ota-onasi Bolalar milliy tibbiyot birlashmasi pediatri Jahongir Usmonov bilan birgalikda davolanishni davom ettirish uchun Toshkentga jo‘natildi.
Eslatib o‘tamiz, avvalroq Tataristonda dahshatli halokatga uchragan O‘zbekiston fuqarosi vataniga qaytarilgan edi.
Rossiya alanga ichida qoldi
Rossiyaning "o‘lim savdogari" ishga qaytdi
Eng yuqori maosh oladigan davlat rahbarlari nomlari
