Hindiston Ichki ishlar vazirligi fermerlarning noroziligi munosabati bilan Nyu-Dehlining bir nechta hududlarida Internetni vaqtincha o‘chirishni buyurdi.
Bu haqda RIA Novosti xabar bermoqda.
"Jamoatchilik xavfsizligini saqlash va favqulodda vaziyatlarning oldini olish uchun Singxu, Gazipur, Tikri, Mukarba-Chouk, Nangloy va poytaxt Dehliga tutash hududlarda Internet xizmatlarini vaqtincha to‘xtatib turish to‘g‘risida buyruq berish zarur va o‘rinlidir", deyiladi bayonotda.
Qayd etilishicha, Internet 26 yanvar soat 23.59 gacha o‘chirilgan.