Nuri Shahin: "Biz Abbosni juda uzoq kutdik"

"Bashakshexir" bosh murabbiyi Nuri Shahin "Qosimposho"ga qarshi uchrashuvdan so‘ng Abbosbek Fayzullayev haqida ham fikr bildirdi.

"Abbos uchun bu yangi chaqiruv bo‘ldi. Biz uning darajasini juda yaxshi bilamiz va shu sababli ham u ayni vaqtda biz bilan. Biz uchun barcha futbolchi juda qadrli. Ular o‘yin taqdirini o‘zgartirib yuborishga qodir futbolchilar. Nihoyat bugun Abbos jarimadan super gol urdi va g‘alabamizga munosib xissa qo‘shdi. Biz Abbosni juda uzoq kutdik. U bir necha bor jarohat oldi va sekin-asta tiklandi", - deb fikr bildirdi Shahin.