Bosh prokuratura huzuridagi Departamentning Davlatobod tumani bo‘limi tomonidan o‘tkazilgan tergovga qadar tekshiruvda “N.L.” MCHJ mas’ul shaxslari “Yuqori Rovuston” MFY hududidagi ishlab chiqarish binosida elektr hisoblagich ko‘rsatkichlarini qasddan kamaytirish maqsadida unga tashqi ta’sir ko‘rsatib, plomba va ulanish sxemasini o‘zboshimchalik bilan o‘zgartirib, 1,9 mlrd so‘mlik elektr energiyasidan noqonuniy foydalanganliklari aniqlangan.
Departamentning Nurafshon shahri bo‘limi tomonidan o‘tkazilgan tergovga qadar tekshiruvda fuqaro S.B. “To‘ytepa” MFY hududidagi xonadonida elektr tarmog‘iga o‘zboshimchalik bilan to‘g‘ridan-to‘g‘ri ulanib, 186,1 mln so‘mlik elektr energiyasidan noqonuniy foydalanganligi aniqlangan.
Shuningdek, Departamentning Qarshi tumani bo‘limi tomonidan o‘tkazilgan tezkor tadbirda fuqaro J.S. o‘g‘li R.S.ning xonadonidagi issiqxonada isitish qozonlarini tijorat maqsadida tabiiy gaz tarmog‘iga to‘g‘ridan-to‘g‘ri ulab, 119,6 mln so‘mlik tabiiy gazdan noqonuniy foydalanganligi aniqlangan.
Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
Ayoli yoki bolasining kontrakt pulini to‘laydiganlarga xushxabar
Xitoyliklar ayol o‘rnini bosa oladigan robot ixtiro qildi
77 marta qoidabuzarlik qilgan Shuxrat Musayevning «Lacetti»si topildi
