Nigeriyada qurolli hujumlar oqibatida 7 kishi halok bo‘ldi

Nigeriyaning Benuye shtatida sodir etilgan qurolli hujumda kamida yetti kishi halok bo‘ldi.

Shtat palatasining Otukpo-Akpa bo‘yicha vakili Kennedi Angboning aytishicha, qurolli shaxslar shtatning Otukpo-Akpa hududida hujum uyushtirgan.

Angboning qayd etishicha, hujum oqibatida 7 kishi halok bo‘lgan, 20 dan ortiq kishi jarohatlangan.

Uning so‘zlariga ko‘ra, hujum chog‘ida ko‘plab uylar yondirilgan va yuzlab odamlar qo‘rquvdan uylarini tark etgan.

Benuye shtati Fulani chorvadorlari va dehqon jamoalari o‘rtasida vaqti-vaqti bilan shiddatli to‘qnashuvlarni ko‘rdi.

Mollarini o‘tlash uchun mamlakat janubiga ko‘chib kelgan fulanilarning ta’kidlashicha, fermerlar ularning mollarini o‘g‘irlab, ularga hujum qilishga urinmoqda.

Qurolli to‘dalar ham bu to‘qnashuvlardan foydalanib, hujumlar uyushtirib, mahalliy aholini garovga oladi.