Nigeriyada parom fojeasi sabab 37 kishi halok bo‘ldi

Nigeriya shimoli-g‘arbidagi Niger shtatida parom halokatga uchrashi oqibatida 37 kishi halok bo‘ldi, deb xabar berdi Kvara shtati gubernatori bosh matbuot kotibi Rafiyu Adjakaye.

"Baxtsiz hodisa payshanba kuni kechqurun savdo qilish uchun kelgan savdogarlar uylariga qaytayotganda sodir bo‘lgan," - deya gubernatorning so‘zlarini keltiradi Punch nashri.

Mahalliy hukumatning sobiq raisi Mahmud Gbajibo fojiaga bir nechta omillar, jumladan, qayiqning ortiqcha yuklanishi va daryodagi suv sathining ko‘tarilishi sabab bo‘lgan bo‘lishi mumkinligini ta’kidladi.