Nigeriyada ko‘prik portlashi oqibatida kamida sakkiz kishi halok bo‘ldi

Nigeriyaning Niger shtatining Borgu tumanida qo‘lbola portlovchi moslama portlashi oqibatida kamida sakkiz kishi halok bo‘ldi.

Bu haqda mahalliy The Sun Nigeria gazetasi xabar berdi.

Xabarlarga ko‘ra, portlash ko‘prikni vayron qilgan va unda harakatlanayotgan transport vositasiga urilgan. Yetti yo‘lovchi va transport vositasi haydovchisi darhol halok bo‘lgan.

Portlovchi moddalar, ehtimol, terrorchi jangarilar tomonidan joylashtirilgan.

Niger shtati polisiya qo‘mondonligi vakili Vasiu Abiodun xavfsizlik kuchlari terrorizmga qarshi operasiya boshlaganini e’lon qildi.