Navoiy hokimi Motamsaro ona haykali poyiga gul qo‘ydi

Bugun mamlakatimizning barcha go‘shalarida bo‘lgani kabi Navoiy viloyatida ham 9 may – Xotira va qadrlash kuni keng nishonlanmoqda.

Shu munosabat bilan Karmana tumanidagi Motamsaro ona haykali poyiga gul qo‘yish marosimi bo‘lib o‘tdi.

Tadbirda harbiy orkestr ijrosidagi kuylar sadolari ostida viloyat hokimligi, huquqni muhofaza qilish idoralari, korxona, muassasa va tashkilotlar, yoshlar va jamoatchilik vakillari gulchambarlar qo‘yib, tinchlik uchun, avlodlar kelajagi uchun jon fido qilgan yurtdoshlarimiz xotirasiga hurmat bajo keltirdilar.