"NATO mamlakatlari tashqi ishlar vazirlari Kiyevga yangi qurollar yetkazib berish, shuningdek, Ukraina energetikasi masalalarini muhokama qiladi", — deya xabar qildi Ukraina tashqi ishlar vaziri Dmitriy Kuleba.
"Uchrashuv 29-30 noyabr kunlari Buxarestda bo‘lib o‘tadi. U mudofaa masalalariga bag‘ishlanadi. Uchrashuvda Ukraina uchun yangi qurollar, yangi o‘q-dorilar, yangi harbiy texnika va energiya manbalari taqdim etilishi muhokama qilinadi. Energiya ham qurolga aylandi", — ta’kidladi vazir.