NATO Germaniya-Niderlandiya ittifoqdosh korpusini Estoniyaning Pyarnu shahrida joylashtirish imkoniyatini ko‘rib chiqmoqda.
Bu haqda Estoniya mudofaa vazirligiga tayanib, ERR teleradiokompaniyasi xabar berdi.
"NATO Germaniya-Niderlandiya ittifoqdosh korpusini Estoniya hududiga joylashtirishga qaror qilishi mumkin - agar ssenariy ijobiy bo‘lsa, Pyarnu shahri korpus bazasiga aylanishi kerak. Yakuniy qaror joriy yil ichida qabul qilinishi kutilmoqda", - deyiladi xabarda.
ERR ma’lumotlariga ko‘ra, ittifoqchilar korpusini Estoniyada joylashtirish 100-200 kishilik infratuzilmani, shu jumladan shtab binolari, texnik binolar va zarur kommunikasiyalarni yaratishni nazarda tutadi. Qayd etilishicha, Estoniya Mudofaa vazirligi korpus uchun infratuzilmani qurish uchun 17 million yevro ajratishni rejalashtirgan.
"Bu nafaqat qo‘mondonlik funksiyalarini bajarayotgan ittifoqchilarimizga, balki estoniyalik harbiy xizmatchilarga, jumladan, chaqiriluvchilarga ham ta’sir qiladi. Bu Mudofaa kuchlari uchun strategik ahamiyatga ega qadamdir", - deya mudofaa vaziri Xanno Pevkur so‘zlaridan iqtibos keltiradi telekompaniya.
Maktablarda 1 sentyabrdan smartfondan foydalanish taqiqlanadi
Kapadze: "Agar terma jamoamizni Bentu boshqaradigan bo‘lsa, xayrli bo‘lsin deyman"
AQSh Kongressiga nomzod Valentina Gomes Qur’onni yoqib yubordi
