O‘zbekistonlik shov-shuvli qo‘shiqchi Nasafiy koronavirus haqida qo‘shiq yozdi. Qo‘shiqchi yangi virusdan qo‘rqmaslikka chaqirib, flesh-mobni uyushtirdi.
O‘ziga xos tashqi ko‘rinishga ega bo‘lgan, ko‘plab o‘zbek xit qo‘shiqlarni o‘z uslubida kuylagan xonanda Nasafiy Coronavirus deb nomlangan qo‘shiq yozdi.
Nasafiyning qo‘shig‘ida quyidagi jumlalar bor: "Koronavirus - hech nima emas. Vahima ko‘tarish kerakmas. Yaratgandan umid qilish yetarli..."
Xonanda instagramdagi sahifasida flesh mob e’lon qildi va mazkur qo‘shiq orqali mamlakatdan virusni haydab chiqarishga o‘z hissasini qo‘shishini ma’lum qildi. Ko‘pchilik foydalanuvchilar bu safar xonandaning qo‘shig‘i "yalang‘och" emasligini aytib, ijobiy fikr bildirishmoqda.
repost.uz
