Namanganda sodir bo‘lgan YTH o‘lim bilan yakunlandi. Bu haqda Namangan viloyati IIB matbuot xizmati xabar bermoqda.
Ma’lum qilinishicha, kecha, 27 avgust kuni soat 03:45larda 4R-112 "Farg‘ona halqa yo‘li" avtomobil yo‘lining 51-kilometrida "Lacetti" rusumli avtomashinani "Namangan-Chust" yo‘nalishida boshqarib ketayotgan haydovchi qarama-qarshi yo‘nalishga o‘tib ketib, "Vaz 2107" rusumli transport vositasi bilan to‘qnashgan.
To‘qnashuv natijasida "Vaz-2107" avtomashinasida yong‘in sodir bo‘lgan. Hodisa oqibatida vafot etganlar bor, jarohat olganlar shifoxonaga yotqizilgan.
Hozirda holat yuzasidan tergovga qadar surishtiruv harakatlari olib borilmoqda.
