Namangan shahridagi 34-sonli maktab o‘quvchilari tomonidan sodir etilgan holat ijtimoiy tarmoqlarda tarqalib, muhokamalarga sabab bo‘lmoqda. Holat yuzasidan viloyat YHXB ma’lumot berdi.
Unda aytilishicha, bitiruv oqshomi munosabati bilan 25 nafar sinfdosh oldindan avtomobillar buyurtma qilib, Davlotobod tumanidagi yo‘lga chiqqan. Guruh-guruh bo‘lib harakatlangan bolalar holatni videoga olib, ijtimoiy tarmoqlarga joylashtirgan.
Holat yuzasidan chora ko‘rildi. Viloyat YHXB rahbariyati tomonidan maktab mas’ullari, o‘quvchilarning ota-onalari, maktabgacha va maktab ta’limi bo‘limi vakillari hamda mahalla raisi ishtirokida muhokama yig‘ilishi o‘tkazildi.
Holatga aloqador bo‘lgan barcha transport vositalari jarima maydoniga joylashtirildi, haydovchilarga nisbatan esa ma’muriy bayonnomalar rasmiylashtirildi.
Surishtiruvlar davomida ushbu holatda o‘quvchilardan birining otasi o‘zi ham qatnashgani ma’lum bo‘ldi.
“Men 9-sinf bitiruvchilarni, o‘z o‘g‘lim bo‘lgan, jiyanim bo‘lgan, iltimos, esdalik qoladi, degani uchun olib chiqdim. Qilgan ishimiz noto‘g‘ri ekan. Unday qilmanglar, afsusdamiz”, deydi ota.
Markaziy Osiyo xalqlari uchun Rossiya endi qiziq emas
"Kim Chen Inni sud qilish vaqti keldi"
Qo‘qon shahrida sodir bo‘lgan holat yuzasidan ma’lumot
