Moskvalik fuqaro poytaxt shimoli-g‘arbida joylashgan Rossiya gvardiyasining ikki xodimiga qarata o‘qotar quroldan o‘t ochdi.
Bu haqda “TASS” xabar berdi.
Xabarda qayd etilishicha, hodisa Tvardovskiy ko‘chasida sodir bo‘lgan. To‘qnashuv chog‘ida noma’lum shaxs Milliy gvardiya tomon o‘q uzib, ularga o‘qdan jarohat yetkazgan.
“Rossiya gvardiyasining ikki xodimi Tvardovskiy ko‘chasida erkak bilan to‘qnashuv chog‘ida o‘qdan yaralangan. Otishma sodir bo‘lgan joydan qochib ketgan”, — deyiladi xabarda.
