Moldova MDH tarkibidan chiqayotganini e’lon qildi

Moldova MDH bilan tuzilgan muhim kelishuvlarni denonsasiya qilish jarayonini boshladi, bu esa unga tashkilotdan chiqish imkonini beradi.

Bu haqda Bosh vazir o‘rinbosari va tashqi ishlar vaziri Mixay Popsoy Moldova radiosida ma’lum qildi.

"Moldova Mustaqil Davlatlar Hamdo‘stligiga a’zoligining asosini tashkil etuvchi uchta asosiy kelishuvni denonsasiya qilish jarayonini boshladi: MDH Nizomi, MDHni tashkil etish to‘g‘risidagi bitim va tegishli ilova", dedi Bosh vazir o‘rinbosari.

Uning so‘zlariga ko‘ra, ushbu kelishuvlar rasman bekor qilingandan so‘ng, mamlakat amalda MDH a’zosi bo‘lishdan to‘xtaydi.

"Tashkilotdagi amalda ishtirok etish bundan ham oldinroq to‘xtatilgan edi. Ushbu hujjatlar yakuniy tasdiqlash uchun parlamentga yuboriladi", deb ta’kidladi Popsoy.