Yarim himoyachi Luka Modrich joriy mavsum so‘nggida "Real"dan ketadi.
38 yoshli xavbek "Inter Mayami"ga o‘tish bo‘yicha deyarli kelishuvga erishdi. Modrich yozda jamoaga qo‘shilishi mumkin. Eslatib o‘tamiz, Mayamida hozirda Lionel Messi, Luis Suares, Serxio Buskets va Jordi Alba o‘ynamoqda.
Luka 2012 yilning avgustidan beri "qirollik klubi" sharafini himoya qiladi. Tomonlar o‘rtasidagi mehnat bitimi iyun oyi so‘nggida yakuniga yetadi. Futbolchining bozor narxi 8 million yevroni tashkil etadi.
