Ming yillar davomida o‘zgarmasdan kelgan Misr piramidalarining tashqi ko‘rinishi o‘zgarishi mumkin: Endi piramidalar qadimiy toshlar bilan emas, zamonaviy granit plitalar bilan qoplanib chiqiladi.
Misrda hukumatning Giza piramidalarini granit plitalar bilan qoplash rejalari yuzasidan bahs-munozaralar avj oldi. Misr antikvarlari xizmati loyihani restavrasiya deb atamoqda, biroq tanqidchilar bunga ishonishmayapti va piramidalar hozirgi ko‘rinishida yuzlab yillar davomida turganini, restavrasiyaga hojat yo‘qligini aytishmoqda.
