Migrantlarning farzandlari Rossiyada o‘qish uchun rus tilidan 90 foizlik natija olishi kerak

Migrant bolalarni rus tilini bilish darajasini testdan o‘tkazish bo‘yicha yangi tartib 1 apreldan boshlanadi va maktabga qabul qilish uchun 90 foiz to‘g‘ri javob berish talab qilinadi, deb ma’lum qilgan Rossiya Dumasi spikeri Vyacheslav Volodin.

"1-sinfga qabul qilish uchun 10 savoldan 9 tasiga to‘g‘ri javob berish,
2-5-sinflarga - 20 savoldan 18 tasiga,
6-9-sinflarga - 22 savoldan 20 tasiga,
10-11-sinflarga - 24 savoldan 22 tasiga to‘g‘ri javob berish kerak".

Davlat Dumasi Spikeri bu masala nazoratdan chiqarilmasligini ta’kidlab, "ushbu me’yorlarning qo‘llanilishini tahlil qilish, hududlar va pedagogik jamoalarning fikrini o‘rganish zarur", dedi.

Shuningdek, u Rossiya IIV ma’lumotlarini keltirib, joriy yil 1 yanvar holatiga ko‘ra Rossiyada 783 mingdan ortiq voyaga yetmagan migrantlar borligini ma’lum qilgan.