"Real" prezidenti Florentino Peres "Barselona"ning ichki ishlariga aralashish, xususan, Messining ketishida qo‘li borligi haqidagi ayblovlarga javob berdi.
"Barselona" bosh direktori Ferran Reverter bilan uzoq yillik do‘stligim haqidagi ma’lumotlar - bu yolg‘on. Men u bilan hayotimda atigi ikki marta uchrashganman. Bir marta — to‘rt oy oldin, ikkinchi marta — o‘tgan shanba kuni Barselonada Joan Laporta bilan bo‘lib o‘tgan uchrashuvda.
Men Messining ketishiga ham, "Barselona"ning boshqa qaroriga ham hech qanday ta’sir qilmadim. Shuning uchun umid qilamanki, Xuanme Lopez haqiqatga to‘g‘ri kelmaydigan bayonotini qayta ko‘rib chiqadi”, - dedi Peres rasmiy bayonotida.
