Hujumchi Lionel Messi “Inter Mayami” bilan shartnoma imzolash uchun AQShga uchib ketdi, deb xabar beradi ESPN.
Manbaga ko‘ra, argentinalik Janubiy Floridaga yetib kelgan.
Messi shu yozda “PSJ”dan “Inter Mayami”ga tekinga o‘tishini e’lon qilgan edi. 36 yoshli futbolchining taqdimoti 16 iyul kuni bo‘lib o‘tadi. Ushbu tadbir uchun barcha chiptalar allaqachon sotilgan.
Ma’lum bo‘lishicha, Messi "Inter Mayami"da yiliga 60 million dollargacha maosh oladi.
