Mers: "Germaniya Yevropa gegemonligi uchun kurashmaydi"

Germaniya kansleri Fridrix Mers o‘z mamlakati mudofaa qobiliyatini mustahkamlashga qaratilgan sa’y-harakatlarga qaramay, endi Yevropada gegemoniyaga intilmasligiga ishontirdi.

Mers bu bayonotni Myunxen xavfsizlik konferensiyasida ma’lum qildi.

"Men tez-tez Bundesverni iloji boricha tezroq Yevropadagi eng kuchli an’anaviy armiyaga aylantiramiz, deb aytganman”, dedi u.

Shu bilan birga, Mers “Evropadagi buyuk davlat siyosati Germaniya uchun imkoniyat emas” ekanligini ta’kidladi. “Hamkorlik yetakchiligi – ha, gegemonlik xayollari – yo‘q. Biz nemislar endi hech qachon yolg‘iz harakat qilmaymiz. Bu bizning tariximizning o‘zgarmas saboqidir”, deb ta’kidladi u.