Fransiya terma jamoasi sobiq a’zosi Emmanuel Peti "Le Blu" hujumchisi Kilian Mbappening Yevropa chempionatidagi o‘yinidan noroziligini bildirdi.
"Ayni paytda u sardorlikka loyiq emas, maydonda juda kam mas’uliyat oladi. U Yevropa chempionati boshlanganidan beri eng yaxshi jismoniy formasiga kirmadi, burni singani ham unga xalaqit bermoqda. U hujumlarni yakunlashda qiyinchilikka uchrayapti. Raqiblar esa uni qanday to‘xtatishni bilishadi", – dedi sobiq futbolchi.