Mask so‘zlarini qaytarib oladimi?

Milliarder Ilon Mask 5 iyun kuni X ijtimoiy tarmog‘idagi AQSh prezidenti Donald Trampning Jeffri Epshteyn ishiga aloqadorligi haqidagi postini o‘chirib tashladi . Nashr qilingan paytda Mask o‘zining sabablarini tushuntirmagan edi.

U o‘z postida shunday deb yozgan: " Haqiqiy bomba tashlash vaqti keldi: Donald Tramp Epshteyn fayllarida. Bu ularning ommaga oshkor etilmaganining asl sababi. Xayrli kun, Tramp! "

Moliyachi Jeffri Epshteyn voyaga yetmaganlarni jinsiy ekspluatasiya qilish uchun sotishda ayblangan. Uning yirik siyosatchilar va ishbilarmonlar bilan aloqalari jamoatchilik manfaatlari masalasi bo‘lib qolmoqda. Ishning bir qismi oshkor etilmagan.

Maskning bu posti uning Tramp bilan ommaviy ziddiyatiga to‘g‘ri keldi, u milliarder respublikachilarning soliqlarni kamaytirish to‘g‘risidagi qonun loyihasini tanqid qilganidan keyin kuchayib, Tramp uni “katta va chiroyli” deb atadi.

Mask Epshteyn ishini keltirib hujumni davom ettirdi. Tramp haqiqatan ham Epshteynni bilar edi va bir qancha hujjatlarda tilga olingan, biroq ularning aloqalari darajasi noma’lumligicha qolmoqda.

Bunga javoban Tramp Maskning kompaniyalari bilan hukumat shartnomalarini bekor qilish bilan tahdid qilgan.

Mojaroga Oq uyning sobiq maslahatchisi Stiv Bannon ham qo‘shilib, Mask “noqonuniy musofir” va zudlik bilan AQShdan deportasiya qilinishi kerakligini aytdi.

“Ular uning immigrasiya maqomi bo‘yicha rasmiy tergov boshlashlari kerak, chunki men uning noqonuniy musofir ekanligiga qat’iy ishonaman va u zudlik bilan mamlakatdan deportasiya qilinishi kerak”, dedi Bannon.

Bannon, shuningdek, Maskning giyohvand moddalarni iste’mol qilishi deportasiya uchun asos bo‘lishi mumkinligini aytdi va "narkotik ishi tekshiriladi" dedi.