Ilon Mask mahalliy hukumatning harakatlari tufayli SpaceX va X (Twitter) kompaniyalarining shtab-kvartiralarini Kaliforniyadan Texasga ko‘chirishini e’lon qildi.
Amerikalik biznesmenning tushuntirishicha, bunga Kaliforniya gubernatori Gevin Nyusom tomonidan imzolangan qonun sabab bo‘lgan. Bu qonun maktab xodimlaridan o‘quvchilarning jinsi o‘zgarishi haqida ularning ota-onalarini xabardor qilishni talab qilishni taqiqlaydi.
"Shu va shu kabi boshqa ko‘plab qonunlar oilalar va biznesga hujumdir. Taxminan bir yil oldin men gubernator Nyusomga bunday qonunlar oilalar o‘z farzandlarini himoya qilish uchun Kaliforniyani tark etishga majbur qilishini aytgan edim", — deya izoh berdi Ilon Mask.
