Ispaniya hukumati poytaxt Madridda koronavirus tarqalishi kamaygani tufayli karantin cheklovlarinining ba’zisini 25 maydan boshlab bekor qiladi, deya xabar berdi Madriddagi sog‘liqni saqlash tashkiloti.
Ispaniya may oyining boshida karantindan bosqichma- bosqich chiqishni boshlagandi. Ayni paytda Madriddagi cheklovlar Ispaniyaning boshqa hududlari bilan bir xil.
Madridda dushanbadan boshlab barlar va restoranlar o‘zlarining tashqaridagi maydonlarida mijozlarga xizmat ko‘rsatishlari mumkin bo‘ladi. Shuningdek, odamlarning ko‘pi bilan o‘n kishi bo‘lib to‘planishlariga ruxsat beriladi.
Epidemiya boshlangandan beri Ispaniyada 234 824 kishi koronavirusga chalingan bo‘lib, bir sutka davomida 446 nafar bemorda kasallik qayd etildi.
Qurbonlar soni esa 28 668 nafar bo‘lib, 150 ming kishi sog‘aygan.