Lukashenko Maduroning Belarusga ko‘chib kelishiga qarshi emasligini bildirdi

Belarus prezidenti Aleksandr Lukashenko Venesuela rahbari Nikolas Maduro istasa, Belarusga kelishiga qarshi emasligini ma’lum qildi. Bu haqda BelTA xabar berdi.

«Maduro hech qachon bizning dushmanimiz ham, raqibimiz ham bo‘lmagan. Agar u Belarusga kelishni istasa, eshiklarimiz doimo ochiq. Biroq bu borada hech qanday muzokara bo‘lmagan. Maduro hamma narsani tashlab qochib ketadigan inson emas. U kuchli, halol va aqli raso shaxs, u bilan gaplashish va kelishish mumkin», — dedi Lukashenko.