"Liverpul" "Barselona" yarim himoyachisi Fermin Lopesga qiziqish bildirmoqda.
21 yoshli futbolchi Xans-Diter Flik jamoasining asosiy tarkibidan doimiy o‘rin olmagan, shu bois u jamoadan ketish haqida o‘ylamoqda. Transfer News Live nashrining El Nacional nashriga tayanib xabar berishicha, ispaniyalik futbolchini "Liverpul" o‘z safiga qo‘shib olishga tayyor. Angliya grandi xavbekni 50 mln yevroga baholamoqda.
Shuningdek, Fermin Lopesga Madridning "Atletiko," "Aston Villa," "Nyukasl" va "Manchester Yunayted" klublari ham qiziqish bildirmoqda. Transfermarkt portali talqiniga ko‘ra, futbolchining narxi roppa-rosa 50 mln yevroni tashkil etadi.
Lopes joriy mavsum "Barselona" safida 34 ta o‘yinda 5 ta gol va 8 ta golli uzatmaga mualliflik qilgan.
