Li Jin Suk Degu meri saylovidan chiqdi

Janubiy Koreyada teleradioeshittirish sohasini nazorat qilgan sobiq rahbar Li Jin Suk Degu shahri meri saylovida ishtirok etmasligini ma’lum qildi.

U asosiy muxolifat — Xalq kuchi partiyasi praymerizidan chetlatilganidan so‘ng kurashdan chiqishga qaror qildi. Li avval mustaqil nomzod sifatida qatnashish ehtimolini ham ko‘rib chiqqan edi.

«Men merlik poygasidan chiqaman va partiya nomzodini qo‘llab-quvvatlayman», — dedi u.

Li nomzodlik qo‘mitasi qarorini adolatsiz deb atadi, ammo muxolifat ichida bo‘linish xavfi va hukmron partiya g‘alaba qozonishi ehtimoli bu qarorga ta’sir qilganini ta’kidladi.

Avvalroq yana bir nomzod Ju Xo Yon ham saylovda qatnashmasligini bildirgan.

Hozirda partiyada ikki finalchi — Chu Kyon Xo va Yu Yon Xa qolgan. Yakuniy nomzod yaqin kunlarda e’lon qilinishi kutilmoqda.