La Liga prezidenti: "Mbappe "Real"ga kelganda, endi ularni mag‘lub qilib bo‘lmaydi deyishgandi"

La Liga prezidenti Kilian Mbappe haqida gapirdi.

Xavyer Tebas fransiyalik hujumchining "Real"ga kelishi va ularning "Barselona" bilan raqobati haqida fikr bildirdi.

"Barselona" La Ligada ketma-ket ikki yil mag‘lub bo‘ldi. Futbol – matematika emas. "Real"ga Mbappe kelishi bilan ularni endi mag‘lub qilib bo‘lmaydi deyishgandi. Yaxshiyamki, futbol bunday ishlamaydi. O‘yinchilarga moslashish uchun vaqt kerak.

Bunday vaziyatlar bo‘lib turadi. Mbappe kelishi bilan hamma raqiblarni yo‘q qilib tashlagani yo‘q. "Barselona" esa qiyin davrlarni boshdan o‘tkazmoqda. Bunday qiyinchilikdan so‘ng ularning g‘alabalari yanada qadrliroq bo‘lmoqda. Chunki bunday bo‘lishini hech kim kutmagandi", - deydi Xavyer Tebas.