KXDR Janubiy Koreyaga 160 dan ortiq chiqindi solingan sharlarni yubordi.
Bu haqda Ryonxap agentligi Janubiy Koreya harbiylariga tayangan holda xabar bermoqda.
"Seulni o‘rab turgan Kengido markaziy viloyatining shimoliy hududlarida va poytaxt atrofida 30 ga yaqin chiqindi paketlari aniqlandi", — deyiladi agentlik xabarida.
Paketlarda hech qanday xavfli moddalar topilmagani aytilmoqda. Faqat maishiy chiqindi — qog‘oz, plastik idishlar va boshqa plastmassa bo‘laklari bo‘lgan.