Mamlakat rasmiylari AQSh prezidenti Jo Bayden Kuba terrorizmga homiylik qiluvchi davlatlar ro‘yxatidan chiqarilishi haqida Kongressga xabar berganidan bir necha soat o‘tib, mahkumlarni qamoqxonalardan ozod qilishlarini ma’lum qildi. Baydenning bayonotida qayd etilishicha, Kuba hukumati “oxirgi olti oy ichida xalqaro terrorizmni hech qanday qo‘llab-quvvatlamagan” va Vashingtonga “kelajakda xalqaro terrorizmni qo‘llab-quvvatlamasligi” haqida kafolat bergan.
Kuba kommunistik hukumati Baydenning qarorini "to‘g‘ri yo‘nalishdagi qadam" sifatida olqishladi, ammo mamlakat 1962 yildan beri hamon AQSh sanksiyalari ostida qolayotganidan afsusda. AFP ta’kidlaganidek, Kuba AQShni oziq-ovqat, dori-darmon, elektr va yoqilg‘i tanqisligi bilan ifodalangan so‘nggi o‘n yilliklardagi eng yomon iqtisodiy inqirozda ayblaydi.
Prezident Migel Dias-Kanel AQSh sanksiyalarini “genosid” deb atadi va uning ma’muriyati 2021-yilda Kubani terrorizm homiylari davlat ro‘yxatiga yana qo‘shgan Donald Trampning bo‘lajak inaugurasiyasidan so‘ng uning mamlakati “qiyinroq vaziyatlarga” tayyorligini aytdi.
RF uchun yana bir “bosh og‘riq” paydo bo‘ldi
Daniya AQSh tajovuzi bo‘lsa, Rossiyaga murojaat qilishni taklif qildi
Moskva AQShga "javob" va’da qilmoqda
