Madagaskarda koronavirusga chalingan bemor vafot etdi. Bu mamlakatda koronavirus bilan bog‘liq birinchi o‘limdir, deya xabar beradi Orange actu Madagascar.
Manbaga ko‘ra, gap 57 yoshli erkak haqida ketmoqda. U shanba kuni kechqurun Madagaskarning sharqidagi Tuamasina shahrida hayotdan ko‘z yumgan.
So‘nggi ma’lumotlarga ko‘ra, mamlakatda jami 304 kishi virus yuqtirgan, ulardan 114 kishi to‘liq tuzalgan.
