Moskva shahrining Presnya sudi Zenit hujumchisi Aleksandr Kokorin, uning ukasi Kirill Kokorin, Krasnodar yarimhimoyachisi Pavel Mamayev va uning do‘sti Aleksandr Protasoviskiy ustidan ochilgan jinoyat ishi bo‘yicha mahkama o‘tkazdi.
Unda tergovchilarning iltimosnomasiga ko‘ra, ayblanuvchilarning hibsdagi muddatini cho‘zish masalasi ko‘rildi. Sud iltimosnomani qondirib, hibs muddatini yana 6 oyga uzaytirdi. Endi ayblanuvchilar 25 sentyabrga qadar tergov izolyatorida qolishadi.
Eslatib o‘tamiz, 2018 yil oktyabr oyida aka-uka Kokorinlar, Mamayev va Protasoviskiy Moskva shahridagi bir necha mushtlashuvlarda ishtirok etishgani uchun 8 dekabrga qadar hibsga olingan edi. Keyinchalik, tergov ishlari yakunlanmagani uchun hibs muddati 2 marta - 8 fevralga va 8 aprelga qadar uzaytirilgandi.
Manba: oxo.uz
