Kamala Xarris Donald Trampga bosim o‘tkazmoqda

Kamala Xarris sog‘lig‘i to‘g‘risidagi hisobotni e’lon qilmaganligi uchun Donald Trampga bosim o‘tkazmoqda.

Demokratik partiyadan prezidentlikka nomzod o‘z shifokori maktubini e’lon qildi. Unda Harris jismoniy jihatdan prezident bo‘lishga to‘liq qodir ekanligi qayd etilgan. Tibbiy ma’lumotnomada Harrisda mavsumiy allergiya, miopiyaning yengil shakli va teri toshmasi borligi yozilgan.

Donald Tramp o‘z tibbiy ma’lumotnomasini e’lon qilishi haqidagi va’dasiga qaramay, haligacha uni jamoatchilikka e’lon qilgani yo‘q.