Jahon sog‘liqni saqlash tashkiloti (JSST) aholi uchun xavf darajasi past ekanligini ma’lum qildi. Bu bayonot AQShda parranda grippi holati qayd etilganidan keyin aytilgan.
Jahon sog‘liqni saqlash tashkiloti matbuot kotibi Margaret Xarris Jenevada jurnalistlarga kasallik keltirib chiqaruvchi H5N1 virusi odamlar o‘rtasida emas, balki qushlar yoki chorva mollaridan yuqayotganini aytdi.
— Infeksiyaning odamdan odamga keng tarqalgan yuqishi kuzatilmagan, — dedi u.
— Luizianada vafot etgan bemor 65 yoshdan oshgan va mavjud ma’lumotlarga ko‘ra, surunkali kasalliklardan aziyat chekkan, shuningdek, uy va yovvoyi qushlar bilan bevosita aloqada bo‘lgan, — dedi Xarris.
Xarris Jahon sog‘liqni saqlash tashkiloti (JSST) parranda grippidan aholi salomatligiga tahdid borligiga ishonmasligini yana bir bor ta’kidladi.
Ayni paytda Xitoyda inson metapnevmovirusi (hMPV) deb ataladigan respirator virusning tarqalishi ham ommaviy axborot vositalarining e’tiborini tortdi. Xarrisning ta’kidlashicha, bu infeksiya ham jiddiy xavf tug‘dirmaydi.
Alisher Qodirov Qonunga qarshi ovoz bergan hamkasblariga murojaat qildi: “Iste’molchining 3 tadan 2 tasi yoshlar. Yarmi qizlar”
Rossiyada o‘lganlar soni rekordmi?
Yana bir yirik davlat BRIKS a’zosiga aylandi
