Fransiyaning o‘ta o‘ng “Milliy birlashuv” partiyasi yetakchisi Jordan Bardella, agar Marin Le Pen 2027 yilgi prezidentlik saylovlarida ishtirok eta olmasa, o‘z nomzodini ilgari surishga tayyor ekanini bildirdi.
"Hozir eng muhimi — birdamlikni saqlab qolishdir. Marin Le Pen mening nomzodim ekanligiga ishonchim komil. Agar ertaga unga saylovda qatnashish imkoniyati berilmasa, men prezidentlikka o‘z nomzodimni qo‘yishimni e’lon qilmoqchiman", — dedi siyosatchi.
Eslatib o‘tamiz, Fransiyaning o‘ta o‘ng “Milliy birlashuv” partiyasi yetakchilaridan biri hisoblanuvchi Marin Le Pen va ushbu partiyaning yana sakkiz nafar a’zosi Yevroparlament deputatlariga ajratilgan mablag‘larni soxta yordamchilarni yollash orqali suiiste’mol qilganlikda aybdor deb topilgandi.
Parij sudi qaroriga ko‘ra, Le Penga to‘rt yil ozodlikdan mahrum etish jazosi berildi. Bundan tashqari, unga besh yil davomida saylovlarda ishtirok etish taqiqlangan.
Xitoyliklar orolni egalladi va tark etdi
Rossiya tez orada g‘ururdan portlab ketadi
Rossiya Hindiston va Pokistonga murojaat qildi
