Jizzax viloyatining G‘allaorol tumanida sodir bo‘lgan yo‘l-transport hodisasi oqibatida ikkita yuk mashinasi yonib ketdi.
Ma’lum qilinishicha, 6 avgust kuni soat 04:14 larda 4R avtomobil yo‘lining «Ko‘kgumbaz» MFY Qorong‘ul qishlog‘idan o‘tuvchi qismida 36 yoshli S.L. boshqaruvida bo‘lgan «Gazel» rusumli yuk avtomobili G‘allaorol—Jizzax yo‘nalishida boshqaruvni yo‘qotgan. Natijada u qarama-qarshi yo‘nalishda harakatlanib kelayotgan 20 yoshli J.I. boshqaruvidagi furaga to‘qnashib, yo‘l-transport hodisasi sodir etgan va shundan so‘ng «Gazel»da yong‘in chiqqan.
Hodisa oqibatlarini bartaraf etish uchun G‘allaorol tumani FVB yong‘in-qutqaruv bo‘linmasi soat 04:31da yong‘in joyiga yetib borgan va soat 04:50 da yong‘in to‘liq bartaraf etilgan.
Yong‘in natijasida har ikkala avtomobilining salon qismi yonib zararlangan. Jabrlanganlar yo‘q.
O‘zbekiston tibbiyoti og‘ir judolikka uchradi
Sirdaryoda ayol va uning farzandlarini o‘ldirib, uyni yoqib yuborishdi
Shavkat Mirziyoyevni haqoratlab, izoh yozgan yigit 5 yilga qamaldi
