Jizzaxda qizlarga “er qidirtirgan” salon rahbari va bloger 5,6 mln so‘m jarima to‘laydigan bo‘ldi.
Avvalroq Jizzax ko‘chalarida “Er kerak” deb yozilgan plakatlar bilan kelinlik libosida yurgan 8 qiz ishtirok etgan reklama videosi tarqalgan edi. Shundan so‘ng qizlarga tushuntirish berilgan.
Ma’lum bo‘lishicha, buning ortidan salon rahbari va bloger ham sudga tortilgan. Sud ularni huquqbuzar deb topib, har biriga BHMning 15 barobari — 5,6 mln so‘m miqdorida jarima tayinladi.
