Janubiy Koreyada qiruvchi samolyot tasodifan qishloqqa 8 ta bomba tashladi — Yonhap

Janubiy Koreyaning Pxochxon shahrida turar-joy binosiga snaryad tushishi natijasida yetti kishi jabrlandi, deya xabar beradi Yonhap.

Mahalliy hokimiyat ma’lumotlariga ko‘ra, payshanba kuni taxminan soat 10:00da Janubiy Koreya shimolida, KXDR bilan chegarada joylashgan Pxochxon shahridagi turar-joy binosiga snaryad tushgani haqida xabar kelib tushgan.

Mahalliy OAV xabariga ko‘ra, hodisa oqibatida jabrlanganlarning to‘rt nafari og‘ir ahvolda.

“Oqibatda yetti kishi tan jarohati oldi, bir qancha binolar vayron bo‘ldi. Hozirda tergov davom etmoqda”,- deya qayd etadi Yonhap.