Toshkent shahrining sobiq hokimi Jahongir Ortiqxo‘jayev poytaxt kengashi deputati va senatorlik lavozimini saqlab qoldi. Ortiqxo‘jayevning vakolat muddati 2025 yilning yanvarigacha amal qiladi.
Shuningdek, Ortiqxo‘jayev parlament yuqori palatasining Byudjet va iqtisodiy islohotlar qo‘mitasi hamda Kengashning rahbarlar zaxirasini shakllantirish, tanlash, lavozimga tayinlash va lavozimidan ozod etish bo‘yicha komissiyasi a’zosi bo‘lib qolmoqda.
