Istanbulda AQSh va Rossiya vakillarining navbatdagi uchrashuvi boshlandi. Bu haqda Kremlga yaqin manbalar xabar bermoqda
Qayd etilishicha, tomonlar ikki davlat diplomatik missiyalarining faoliyatini normallashtirish masalasini muhokama qiladi, muzokaralar yopiq tarzda o‘tadi.
Oldingi uchrashuv ham 27 fevral kuni Istanbulda o‘tkazilgan bo‘lib, 6 soat davom etgan edi. Bu safar muzokaralar tezroq yakunlanishi kutilmoqda.
Avvalroq AQSh Davlat departamenti Istanbuldagi muzokaralarda Ukraina masalasi muhokama qilinmasligini bildirgandi.
