G‘azo fuqarolik mudofaasi xabariga ko‘ra, payshanba kuni Isroilning G‘azo sektori bo‘ylab bombardimon qilishlari oqibatida kamida 28 kishi halok bo‘lganidan so‘ng, Isroilning G‘azo shahriga uyushtirgan ikki hujumida 12 falastinlik halok bo‘lgan.
Isroil askarlari bosib olingan G‘arbiy Sohildagi Qabatiyani qamal qilmoqda.
Payshanba kuni kamida 1200 bola Isroil askarlari Qabatiyadagi ikki xil maktabni o‘rab olishlari natijasida soatlab qamalib qolgan.
Isroilning G‘azo sektori bo‘ylab uyushtirgan zarbalari natijasida so‘nggi 24 soat ichida kamida 28 falastinlik halok bo‘ldi, deb xabar bermoqda G‘azo fuqarolik mudofaasi agentligi.
Isroil kuchlarining G‘azo shimolidagi Jabaliyadagi uyni bombalashi oqibatida birgina hujumda bir oiladan olti kishi halok bo‘ldi. Shuningdek, uch nafar bola jarohatlangan.
Bu haqda Al-Jazira muxbiri Anas al Sharif xabar bermoqda.
Isroilning Qabatiyaga bostirib kirishi oqibatida qurbon bo‘lganlar soni ortib bormoqda.
Falastinning «Wafa» axborot agentligi xabariga ko‘ra, Isroilning G‘arbiy Sohilda joylashgan Jenin janubidagi Qabatiya shahriga bir necha soat davom etgan hujumi natijasida kamida yetti kishi halok bo‘lgan.
Falastin Qizil Yarim Oy Jamiyati ekipajlari payshanba kuni tushdan keyin Isroil maxsus kuchlari tomonidan qurshab olingan uy ichidan erkakning jasadini olib chiqdi, deb xabar beradi Wafa.
Payshanba kuni Isroil kuchlari armiya mashinalari, jumladan buldozerlar, shuningdek, qiruvchi samolyotlar va uchuvchisiz samolyotlar yordamida Qabatiyaga bostirib kirdi.
Isroil kuchlari shaharchadagi savdo majmuasi yaqinida mashinani bombalashi oqibatida kamida bir kishi halok bo‘ldi. To‘qnashuvlarda 11 falastinlik o‘qlardan yaralangan, yana biri esa shaharga kiraverishda otib o‘ldirilgan.
Shuningdek, videolarda Isroil askarlari o‘lgan falastinliklarning jasadlarini tomlardan uloqtirgani qayd etilgan.
