Isroilning G‘azo sektoriga bergan zarbasi oqibatida BMT homiyligidagi tashkilot xodimi halok bo‘ldi, yana besh kishi yaralandi. Bu haqda Falastin anklavining sog‘liqni saqlash vazirligi ma’lum qildi, deya xabar beradi TASS.
"BMT tashkilotlarida ishlovchi olti nafar xorijlik Isroilning G‘azo markazida uyushtirgan havo hujumi chog‘ida jarohatlandi. Ulardan biri Shuhada al-Aqsa kasalxonasiga yetib kelgan zahoti vafot etdi", – deb yozdi G‘azo Sog‘liqni saqlash vazirligi o‘zining Telegram-kanalida. Shifokorlar jarohatlanganlarning ahvoli og‘ir ekanini aytishdi.
O‘z navbatida, Misrning “Al-Qahira Al-Ixbariya” telekanali manbalarga tayanib, o‘qqa tutilgan BMT xodimlari G‘azo sektorini minalardan tozalash bilan shug‘ullanganini ma’lum qildi. Hodisa anklavning markaziy qismidagi Dayr al-Balah shahri hududida sodir bo‘lgan.
"Turk yigitlari ruslardan ayollarini tortib olmoqda"
Qon to‘kishdan zavqlanadigan shaxs yana vazir etib tayinlandi
Xonanda Feruza Karimova 40 mln so‘mdan ziyod jarima to‘laydigan bo‘ldi
