Isroil vaziri orderlarga javoban G‘arbiy sohilni qo‘shib olishni taklif qildi

Itamar Ben-Gvir Xalqaro jinoiy sud qarorini qoraladi.

Isroil Milliy xavfsizlik vaziri, o‘ta o‘ngchi “Osma yexudit” (“Yahudiy kuchi”) partiyasi rahbari Itamar Ben-Gvir Xalqaro jinoiy sudning bosh vazir Benyamin Netanyaxu va sobiq mudofaa vaziri Yoav Galantni hibsga olishga order berish haqidagi qarorini qoraladi. Bunga javoban u Isroil suverenitetini butun G‘arbiy Sohilga kengaytirishni taklif qildi, deb xabar beradi tass.ru.

“Iudiya va Samariyaning (Isroilning G‘arbiy Sohil uchun atamasi – TASS eslatmasi) butun hududiga suverenitetni kengaytirish, mamlakatning barcha qismlarida aholi punktlarini qurish va terrorchilar ma’muriyati (Ramalladagi Falastin milliy ma’muriyati – TASS eslatmasi) bilan aloqalarni uzish, shuningdek, sanksiyalar – ushbu hibsga olish orderlariga javob”, deb yozdi u o‘zining X sahifasida.

Shu bilan birga, Ben-Gvir Netanyaxuni va Isroilning G‘azo sektorida davom etayotgan harbiy amaliyotini to‘liq qo‘llab-quvvatlashini aytdi. “Gaagadagi Xalqaro jinoiy sudi yana bir bor u butunlay antisemitizm ekanligini ko‘rsatdi. Bu butunlay tizimli esdan og‘ish. Men bosh vazirni adolatli urushda qo‘llab-quvvatlayman”, deya qo‘shimcha qildi u.