Isroil Knesseti (parlamenti) tashqi ishlar va xavfsizlik komissiyasi Birlashgan Millatlar Tashkilotining Yaqin Sharqdagi Falastinlik qochqinlarga yordam va ishlar agentligining (UNRWA) mamlakatdagi faoliyatini taqiqlovchi qonun loyihasini ma’qulladi.
Bu haqda The Jerusalem Post gazetasi xabar bermoqda.
Uning so‘zlariga ko‘ra, ushbu hujjatga muvofiq, barcha isroillik amaldorlarga UNRWA xodimlari bilan uchrashish, ularga Isroil vizalarini berish yoki ularga iqtisodiy imtiyozlar berish taqiqlanadi. Bundan tashqari, Isroil hukumati terrorchilik faoliyatiga aloqadorlikda gumon qilingan UNRWA xodimlariga nisbatan jinoiy ish ochishni rejalashtirmoqda.
UNRWAning Isroilda faoliyatini taqiqlovchi qonun loyihasi 2023 yil 7 oktyabrda Xamas harakatining qurolli tarafdorlari tomonidan Isroilga uyushtirilgan hujumda agentlik xodimlarining ishtiroki haqidagi ma’lumotlar tufayli ishlab chiqilgan, deb yozadi The Jerusalem Post. Isroil tomoni UNRWAning ko‘plab xodimlari bir vaqtning o‘zida XAMASning harbiy qanoti faoliyatida ishtirok etishini bir necha bor ta’kidlagan.
Ertaga O‘zbekistonda qor yog‘ishi kutilmoqda
Ukraina dushman uchun «Jahannam» tayyorladi
16 dekabr kuni yana izg‘irin sovuq qaytadi
