Isroil G‘azoda aloqa infratuzilmasini maqsadli ravishda yo‘q qilmoqda

G‘azo — Isroilning to‘xtovsiz havo va raketa hujumlari faqat tinch aholi emas, balki aloqa va internet infratuzilmasiga qarshi ham yo‘naltirilmoqda. Bu haqda G‘azo sektoridagi hukumatning rasmiy Mediaofisi bayonot berdi.

Ma’lumotga ko‘ra, so‘nggi 20 oy ichida bu Isroil tomonidan aloqani to‘liq uzib qo‘yish bo‘yicha o‘ninchi holatdir. Unga ko‘ra, butun eksklav hududida internet va mobil aloqa uzilgan.

“Bu texnik nosozlik emas, balki maqsadli va rejalashtirilgan siyosat. Odamlarning dunyo bilan bog‘lanish imkoni yo‘q qilinmoqda”, — deyiladi bayonotda.

Hujjatda ta’kidlanishicha, bunday harakatlar G‘azo aholisini axborot muhosarasiga olishga qaratilgan bo‘lib, jahon hamjamiyati bunga munosabat bildirishi lozimligi qayd etilgan.