Isroil armiyasi Beyrutdagi shifoxona yaqinidagi turar-joy binosiga hujum qildi – bir necha kishi halok bo‘ldi

Yaqin Sharqda yana bir notinch kecha. Isroil Beyrutga bir necha bor zarba berdi.

Hujum tasvirlari internetda Livan poytaxti chekkasida, xalqaro aeroportga tutash hududlarda ham paydo bo‘ldi.

Mamlakat Sog‘liqni saqlash vazirligi ma’lumotlariga ko‘ra, SAXAL qo‘shinlarining shifoxona yaqinidagi turar-joy binosiga bergan zarbasi natijasida to‘rt kishi halok bo‘lgan, 20 dan ortiq kishi jarohatlangan.

Bir kun avval Isroil armiyasi ham Damashqqa havo hujumi uyushtirilganini e’lon qilgan, uning nishoni qurol va pul o‘tkazish uchun mas’ul "Hizbulloh"ning yangi rahbari bo‘lgan.